Наместо во експрес лонец, владата ќе се готви со крчкање

СДСМ неофицијално тврди дека има договор за парламентарно мнозинство, но официјално сѐ уште разговара, а активни разговори води и ВМРО-ДПМНЕ, чиј лидер Христијан Мицкоски завчера во Собранието се сретна со лидерот на ДУИ, Али Ахмети.

Интензивните разговори и средби помеѓу парламентарните политички партии ниту вчера не резултираа со договор за мнозинство од 61 пратеник, само продолжи серијата од шпекулации за тоа кој со кого составува влада. Иако СДСМ неофицијално тврди дека има договор за парламентарно мнозинство и за составување влада, официјално сè уште разговара, а активни разговори води и ВМРО-ДПМНЕ, чиј лидер Христијан Мицкоски завчера во Собранието се сретна со лидерот на ДУИ, Али Ахмети.

Разговорите за ново мнозинство се отежнати поради предизборната уцена на ДУИ дека идниот премиер мора да биде Албанец и тоа Насер Зибери, што беше одбиено и од лидерот на СДСМ Зоран Заев и од Мицкоски, но освоените 15 пратеника на ДУИ ја зајакнаа нејзината позиција. Портпаролот на ДУИ, Бујар Османи, завчеравечер не сакаше да открие детали како поминале разговорите помеѓу Заев и Ахмети на тема прв премиер Албанец, а СДСМ вчера соопшти дека разговараат исклучиво за формирање влада што се грижи за сите граѓани еднакво, ослободени од какви било етнички предрасуди или каков било национализам.

Прочитајте и...  Рудникот САСА ќе плати казна од 50 илјади евра за истекување на јаловишен материјал

„Разговараме исклучиво за влада што нема никакви дилеми кога е во прашање нашиот заеднички пат, кој се вика Северна Македонија – „Едно општество за сите“. На 15 јули граѓаните на фер слободни и демократски избори дадоа силна поддршка грижата за сите во едно заедничко општество да продолжи уште повеќе и уште подобро. Тоа го побараа граѓаните на изборите и тоа новата влада предводена од СДСМ и ќе го испорача“, соопшти владејачката партија, чиј лидер Заев деновиве се сретна со претседателите на сите албански партии што освоија пратеници, а согласност за учество во владата засега доби од Мендух Тачи од ДПА.

Од ВМРО-ДПМНЕ, пак, до вчера претпладне не соопштија никакви детали од едночасовната средба помеѓу Мицкоски и Ахмети, освен дека се разговарало за создавање ново парламентарно мнозинство, кое е можно со поддршка од двајцата пратеници на Левица и за кое деновиве дури се шпекулираше дека е договорено со тоа што компромисно решение за премиер би бил Лазар Еленовски, кој по татко е Македонец, а по мајка Албанец.

Прочитајте и...  И тоа го има, внимавајте: Употребувани кондоми се мијат, сушат и повторно пакуваат како нови (ВИДЕО)

Османи завчера на ТВ Сител ги демантираше шпекулациите за Еленовски и оцени дека се пласираат за да му наштетат на преговарачкиот процес.

– Ние си имавме кандидат за премиер на изборите и таквите шпекулации се со намера да ѝ наштетат на ДУИ и да му наштетат на процесот. Во моментот кога ќе има нешто конкретно, граѓаните ќе бидат информирани. Мислам дека постои едно оптимално решение, кое ќе биде во интерес на граѓаните и на државата – рече Османи.

Тој информираше дека ДУИ прво разговарала со актуелниот коалициски партнер СДСМ, но најави дека Ахмети би разговарал со сите политички партии, затоа што е „здраво да се разговара со сите, за да се дојде до едно одржливо решение со цел побрзо формирање на институциите“. Османи претходно настапи и во ТВ21 каде што рече дека средбата помеѓу Заев и Ахмети била конструктивна и надежна за успешен епилог, но не и одлучувачка за таков епилог и дека најмногу се разговарало за враќање на изгубената доверба за време на кампањата. За шансите да се договорат за премиер Албанец, Османи рече дека треба да се почека и не е коректно да ги објават сите позиции.

Прочитајте и...  Трка со времето: Спасени 94 китови по масовното насукување во Австралија (ВИДЕО)

Рокот за создавање на мнозинството тече и до 14 август претседателот Стево Пендаровски треба да го даде мандатот на онаа партија или коалиција што има мнозинство во Собранието, а мандатарот потоа до 4 септември треба да ја состави владата и да ја предложи пред пратениците. Ако не предложи влада, мандатарот ќе го врати мандатот кај претседателот.

Прочитај повеќе

Бројот на заразени со коронавирус во Франција надмина 500.000

Слободен печат

Дождот ја преполни канализацијата во Мексико: Сите се изненадија што пронајдоа во неа (ВИДЕО)

Слободен печат

Стопанските комори се задоволни од четвртиот пакет мерки за поддршка на компаниите и граѓаните

Воен авион се урна во Украина, најмалку 20 лица загинаа (ВИДЕО)

Слободен печат

Српскиот режисер и сценарист Горан Паскаљевиќ почина на 74-годишна возраст

Слободен печат

Кривокапиќ: Политичката судбина на Ѓукановиќ и Марковиќ ќе биде онаква како што заслужуваат

Слободен печат

Остави Коментар

Прочитај повеќе

Силно невреме во Црна Гора: Обилните врнежи предизвикаа поплави во Котор и Тиват (ВИДЕО)

Слободен печат

Пендрекот лесно се крева врз Роми

Валентина Т

Сообраќајот на автопатот Тетово-Скопје вечерва блокиран заради поскапувањето на струјата

Слободен печат

Навални им се заблагодари на руските доктори и пилоти: Ви благодарам, вие сте добри луѓе (ФОТО)

Слободен печат

Лајчак: Дијалогот меѓу Белград и Приштина е одложен поради пандемијата

Слободен печат

Пожарот во Хуавеј го доби својот епилог: Пронајдени телата на три лица, пожарот „волшебно“ избил во истражувачкиот дел

Слободен печат