Динамо Загреб продолжува да им дели лекции на сите екипи од Балканот кога станува збор за продажбата на фудбалери. Хрватскиот тим до крајот на јануари се очекува да го направи најголемиот трансфер во историјата на овие простори, откако се согласи да го продаде младиот шпански репрезентативец, Дани Олмо на германскиот бундеслигаш, Лајпиц.

Сумата која лидерот во Бундес лигата ќе ја плати изнесува неверојанти за овие простори 35 милиони евра. Младиот фудбалер веќе ги напуштил подготовките на Динамо и заминал на лекарски прегледи во Германија.

Според договорот, Динамо веднаш ќе добие 18 милиони евра, а уште толку се очекува да легнат на касата на хрватскиот тим доколку ги исполни условите кои според хрватските медиуми се „лесно остварливи“.

Олмо ќе има право да настапи за Лајпциг во елиминациите во Лигата на шампионите, иако во првиот дел од сезоната со Динамо играше во групната фаза.

Германскиот тим во трката за потписот со талентираниот шпански фудбалер успеа да ја победи конкуренцијата која ја сочинуваа Барселона, Манчестер сити, Милан, Њукасл, Херта, Баер Леверкузен кои на крајот останаа со празни раце.