14 C
Скопје

МЖСПП: Петтата категорија на заштита не пречи да се донесе и закон за Водно

Министерството за животна средина и просторно планирање останува на одлуката да ѝ препорача на прогласување на дел од  од планината Водно за заштитено подрачје во категорија V – заштитен предел, но смета дека тоа нема да биде пречка во иднина да биде донесен и посебен закон за заштита на Водно. Овој став на Министерството доаѓа по жестоките критики упатени на негова  адреса, дека не ги слуша укажувањата и препораките на еколошките здруженија, како и на експертите по шумарски науки, кои децидно се изјаснија дека понудениот степен на заштита на Водно нема да ги донесе саканите ефекти, а заштитата на оваа планина само од аспект на квалитетот на биодиверзитетот и пределските карактеристики ни оддалеку нема да ги исполни сите фунции на заштита.

– По завршувањето на консултациите со јавноста, Министерството организираше технички  координативни средби со претставници на Градот Скопје, Министерството за земјоделство, водостопанство и шумарство, Министерство за транспорт и врски и Центарот за управување со кризи, како релевантни институции на државно и локално ниво, со цел дополнително да се преиспита постоечката регулатива за заштита на подрачјето од аспект на ерозија, поплави, безбедност и прeспределбата на обврските и наделжностите помеѓу локалната самоуправа и централната власт, се вели во соопштението од Екологија.

Прочитајте и...  ЕМА ќе се изјасни за вакцината против ковид-19 на „Џонсон и Џонсон“

Со оглед на фактот дека овие прашања се веќе регулирани со други закони од националното законодавство кои треба да се имплементираат од надлежните институции, на средбите се анализираше имплементацијата на постоечките законски обврски наспроти евентуалното донесување на посебен закон во функција на подобра заштита.  Беше покренато и прашањето на итноста на потребата за заштита, велат од Министерството за животна средина, притоа признавајќи дека е неспорна обврската на МЖСПП за репрогласување на заштитените подрачја согласно Законот за заштита на природата, како и законските обврски на локалните самоуправи согласно Законот за водите со кои е уредено утврдувањето на границите на ерозивните подрачја и предвидувањето на мерки за заштита. Поради тоа, МЖСПП најави дека ќе побара од Владата на РСМ да ги задолжи надлежните органи и единиците на локална самоуправа доследно да ги исполнат барањата од останатите релевантни прописи за да се обезбеди заштитата на сите ерозивни подрачја во државата.

Прочитајте и...  ВМРО-ДПМНЕ: Заев до кога ќе се криеш? Дали Седат Пекер имал состаноци во Влада и со кого?

Триесет и осум граѓански здруженија и иницијативи, неодамна побараа од властите итно да го заштитат Водно на соодветен начин, а не со статус на заштитен предел, кој е многу низок степен на заштита според постојната законска регулатива, и кој, според нив, не само што не му ја уважува на Водно неговата специјална улога во заштитата на градот Скопје од порои и поплави, туку практично го овозможува натамошното градење во неговите рамки, односно не ја спречува урбанизацијата на падините на планината, која се интензивираше последниве децении.

Донесувањето на Одлуката не претставува пречка за подготовка на посебен Закон за Водно од Градот Скопје или друга заинтересирана страна, кој откако ќе биде изработен ќе може да ја инкорпорира и донесената Одлука согласно Законот за заштита на природата, категорични се од Министерството. Го сакам Водно“ и „О2 иницијатива“ од Владата побараа итно стопирање на процесот на „заштита“, свикување на сета експертиза и итна изработка на посебен закон, кој ќе обединува сè и кој сестрано ќе го заштити Водно.

Прочитајте и...  Српските државјани нема да плаќаат патарини од 15 јуни до 15 август во Македонија

На барањето на граѓанските здруженија им се приклучи и партијата ДОМ, која излезе со барање да се донесе Просторен план и План за управување со Водно со што прецизно ќе се дефинира кои активности се дозволени, а кои забранети. “Белите дробови на Скопје” и омилениот простор за рекреација на граѓаните, мора да се зачуваат, беше ставот на ДОМ околу заштитата и статусот на Водно.

Поврзани вести

Српските државјани нема да плаќаат патарини од 15 јуни до 15 август во Македонија

Слободен печат

Меркел бара дијалогот со Русија да продолжи

Слободен печат

Израел и Велика Британија размислуваат за „зелен коридор за патување”

Слободен печат

Во Велес вчера немало нов ковид-случај, денеска регистрирани 36 позитивни

Слободен печат

Шпанската полиција разби кинеска банда која продавала канабис низ цела Европа

Слободен печат

При извршен вонреден инспекциски надзор во Собранието не се констатирани неправилности

Слободен печат

Остави Коментар