Момче во Уругвај бил седум дена со симптоми на ковид-19, викал дека е обичен грип, одбил да се тестира и почина
Момче на возраст од 27 години почина од ковид-19 во Уругвај, седум дена по појавата на првите симптоми на вирусот. Тој една од 11-те жртви на 19 март, а настрашно во неговиот случај е што упорно одбивал да прифати дека е инфициран, тврдејќи дека станува збор за обичен грип.
Според локалните медиуми, момчето со денови имало симптоми на ковид-19, меѓутоа упорно одбивал помош. Дури потпишал дека не сака да се тестира против вирусот.
– Тој, како и многу луѓе, не веруваше во коронавирус. Веруваше дека боледува од грип, некоја минлива болест на која не треба да ѝ се обрнува внимание. Кај него се почна со кивање, но одбиваше да се тестира, дури и потпиша дека не сака, соопштија надлежните служби.
Тие наведуваат дека семејството на момчето постојано тврдело дека „политичарите го измислиле коронавирусот“.
– Имаше симптоми околу една недела, но дури кога состојбата почна да се влошува, секогаш велеше дека не сака медицинска помош, објаснуваат надлежните.
Наводно, по неколку дена загриженото семејство успеало да го убеди да направи ПЦР тест кој бил со позитивен наод. Меѓутоа, иако веднаш бил примен во болница, му немало спас.
Инфицирана е, исто така, и неговата девојка, но и таа одбивала медицинска помош. Нејзината состојба драстично се влошила во неделата и итно е сместена во болницата во Минас.
– Има луѓе кјои негираат постоење на коронавирусот. Ситуацијата во цела покраина е загрижувачка. Лекарите велат дека има се помалку слободни кревети на интензивна нега, истакнуваат официјални лица.