Уштипци кои се идеални кога немате многу време, а сакате вкусен оброк…

Состојки:350 гр брашно, 300 гр кисело млеко (полномасно), 1 полна лажица сода бикарбона. 4-5 лажици млеко, 1 лажица шеќер, 1 лажичка сол, масло за прежење.

Подготовка: Сода бикарбоната сипете ја во киселото млеко и оставете да се активира. Брашното просејте го во сад и помешајте го со шеќерот и солта. Сипете го нараснатото кисело млеко и мешајте полека додавајќи и обично млеко, лажица по лажица, додека не добиете меко лепливо тесто.

Загрејте го маслото на умрен оган и со лажица земете од мекото тесто, а со друга лажица превртувајте го во зејтинот. Уштипците можете да ги обликувате и со рака, но доколку добро ги замастите.

Пржете ги уштипците додека не добијат златна боја, па вадете ги на кујнски брисач. Откако благо ќе се оладат, посипете ги со шеќер во прав или сервирајте ги со џем, доколку сакате слатки уштипци. Доколку сакате солени, послужете ги со сирење, кајмак, сувомеснато…

Пријатно!