Металург со убедливата победа против домашната екипа на Струга ја заврши групната фаза на традиционалниот ракометен турнир.

Во првиот денешен натпревар од третиот ден тимот од Автокоманда славеше против стружани со резултат 35:24 (17:12).

Победата на Металург ја најави високото водство уште во почетната фаза на средбата од 5:1. Својата предност ја задржаа играчите на Кастратовиќ до самиот крај на првото полувреме.

Оваа разлика на почетокот на вториот дел се зголеми за дополнителни четири гола (22:13), со што стана јасно дека Струга нема да има сили да избегне висок пораз. Во денешната победа доминираше Кондев со шест голови, еден помалку запиша Хорват.

Така, со триумф ја ја завршија својата обврска во групата „Б“ и в сабота ќе имаат слободен ден, а во недела најверојатно ќе играат во малото финале.