Еден од најблиските пријатели на Бен Афлек, холивудскиот актер Мет Дејмон го прокоментира можното помирување на неговиот колега и пријател со Џенифер Лопез.

48-годишниот Мет Дејмон, кој е пријател со Афлек уште од детството, гостуваше во шоуто „Today“ каде беше прашан од водителите Савана Гатри и Хода Котб дали знае нешто поврзано со Бен Афлек кој неодамна почна да поминува време со својата стара љубов Џенифер Лопез со која беше свршен пред скоро две децении.

„Нема толку многу алкохол на светот што ќе ме натера да кажам нешто во врска со тоа“, се пошегува Дејмон.

Откако Дејмон се обиде да не го коментира моменталниот статус на Афлек и Лопез, актерот кој моментално е во Австралија, повторно беше прашан како дознал за неодамнешните вести во врска со двајцата.

“I love them both. I hope it’s true. That would be awesome.” -Matt Damon on speculation that Jennifer Lopez and Ben Affleck have rekindled their relationship pic.twitter.com/GPbmZX9fQT

— TODAY (@TODAYshow) May 11, 2021

„Само што дознав. Седев тука и се подготвував за шоуто. Прв пат слушам за тоа“, рече Дејмон.

Џенифер Лопез и Бен Афлек „фатени“ заедно во Монтана: Дали „Бенифер“ се враќа по 17 години?

„И што си помисли?“, го праша водителот.

„Тоа е фасцинантна приказна… Се надевам дека е вистина. Ги сакам и двајцата. Се надевам дека е вистина. Тоа би било одлично“, рече актерот.