Фудбалските експерти предвидуват дека летниот преоден рок наредната година ќе биде еден од најинтересните. Голем број на врвни играчи ќе бидат слободни на трансфер пазарот, освен доколку до тогаш не ги продолжат нивните договор со клубовите.

На оваа листа според шпанската „Марка“ најзвучно име е членот на Барселона, Лионел Меси кој има договор со каталонската екипа до лето 2021 година.

Аргентинецот дури и изрази желба да си замине од „Камп Ноу“ минатото лето, се поврзуваше со преселба во Манчестер сити, но на крајот одлучи да остане. Дали можеби новиот претседател на клубот после изборите ќе го натера еден од најдобрите играчи на светот да остане во Барса уште долго време, останува да се види.

Тука е и искусниот дефанзивец на Реал Мадрид, Серхио Рамос кој има договор со „кралевите“ до лето 2021 година. Се шпекулира дека можно е во наредните неколку месеци да стави нов потпис кој ќе го врзува со мадридскиот состав до 2023 година и каде би можел да ја заврши кариерата, но и натаму нема ништо официјално.

СЛОБОДНИ ИГРАЧИ ВО 2021 ГОДИНА

Лионел Меси (Барселона)
Серхио Рамос (Реал Мадрид)

Серхио Агуеро (Манчестер сити)
Мемфис Депај (Лион)

Џорџино Вијналдум (Ливерпул)
Давид Алаба (Баерн Минхен)

Лука Модриќ (Реал Мадрид)
Анхел ди Марија (ПСЖ)

Диего Коста (Атлетико Мадрид)
Ерик Гарсија (Манчестер сити)

Рики Пуиг (Барселона)
Јулијан Дракслер (ПСЖ)

Џанлуиџи Донарума (Милан)
Хакан Чалханоглу (Милан)

Месут Озил (Арсенал)
Аркадиуш Милик (Наполи)

Единсон Кавани (Манчестер јунајтед)
Џовани Рејна (Борусија Дортмунд)

Жером Боатенг (Баерн Минхен)
Хави Мартинез (Баерн Минхен)
Златан Ибрахимовиќ (Милан)