Мерка тешка 20 милијарди евра: Германците од 1.јули ќе плаќаат помал ДДВ
– Имаме шанси да ја вратиме економијата на патеката на раст во втората половина од годината, изјави министерот за економија Петер Алтмајер.
Пратениците од долниот дом на германскиот парламент дадоа поддршка на пакетот стимулативни мерки, со кои се предвидува намалување на данокот на додадена вредност од сегашните 19 на 16 отсто од 1. јули, пренесува „Ројтерс“.
Целта на усвоените мерки е поттикнување на растот на најголемата европска економија по негативните ефекти од пандемијата од корона вирусот.
Сега се очекува горниот дом од парламентот, Бундесратот, денеска попладне исто така да даде поддршка за намалување на ДДВ, мерка која владата ќе ја чини 20 милијарди евра, како и низа други мерки, вклучувајќи и исплата на бонуси за семејствата од 300 евра по дете.
– Имаме шанси да ја вратиме економијата на патеката на раст во втората половина од годината, изјави министерот за економија Петер Алтмајер.