Есенскиот шампион во Првата македонска фудбалска лига ангажираше ново засилување пред почетокот на пролетниот дел од сезоната.

Струга Трим Лум ја информираше јавноста дека боите на овој клуб ќе ги брани 27-годишното крило Марјан Радески.

Во првиот дел од оваа сезона настапуваше во Ерменија за Пјуник каде во тамошниот шампионат запиша седум настапи.

Претходно беше дел од екипите на Шкупи, Академија Пандев, Шкендија, Металург и 11 Октомври.

За најдобрата македонска репрезентација има 17 настапи и еден гол во 2016 година против Азербејџан.

Претходно оваа зима за Струга потпишаа и Меџит Незири и Бесарт Кривањева. Тимот на Срѓан Захариевски кој веќе тренира и до 23 јануари ќе се подготвува во Струга, додека од 24 јануари до 5 февруари ќе се префрлат во Турција, каде што се планирани неколку пријателски натпревари.