Мануел Нојер официјално го продолжи договорот со Баерн
![](https://www.slobodenpecat.mk/wp-content/uploads/2023/02/11128863.jpg)
Германскиот голман и капитен на Баерн Минхен, Мануел Нојер го продолжи договорот со германскиот фудбалски шампион, соопштија од клубот.
На 28 октомври, Нојер се врати на теренот по 10-месечна пауза откако ја скрши ногата додека скијаше.
Баерн и Нојер го продолжија договорот на уште една година.
– По долго отсуство поради повреда, се вратив. За мене е исклучително забавно да бидам на теренот со овој тим. Сигурен сум дека заедно со навивачите можеме да постигнеме некои големи цели – изјави Нојер.
Нојер пристигна во Баерн во 2011 година и одигра 494 натпревари за баварскиот гигант.
Официјално договор на уште една година со Баерн потпиша уште еден голман, Свен Улрајх.