Манчестер Јунајтед нема да се жали, Касмиро суспендиран четири натпревари
Манчестер Јунајтед соопшти денес дека нема да се жали на црвениот картон на Касемиро кој Бразилецот го доби во натпреварот против Саутемптон.
Судијата Ентони Тејлор му покажа директен црвен картон на Касемиро за кого тоа беше втора ваква санкција сезонава. Според правилата во англиската Премиер лига, автоматски доби четири натпревари суспензија.
Ова значи дека Касемиро ќе ги пропушти натпреварите против Фулам, Брентфорд и Евертон на „Олд Трафорд“ и гостувањето кај Њукасл. На располагање во Премиер лигата, Тен Хаг ќе го има на 15-ти април кога тимот ќе игра против Нотингем Форест.
Се очекува во негово отсуство поголема улога да одиграат Фред и Сабицер, можеби и Мектоминеј. Добра вест во целата ситуација е што Тен Хаг ќе го има свеж за реванш натпреварот против Бетис во четврток и извесното четвртфинале во ова натпреварување бидејќи Јунајтед во првиот натпревар славеше победа од 4:1.