Македонскиот репрезентативец Ти Џеј Шортс го води Париз кон финалето во Еврокупот
Се одиграа првите натпревари од полуфиналето во плеј-офот на Еврокупот, кошаркарите на Париз на домашен терен со 99:86 против британскиот Лондон Лајонс.
Прв стрелец во редовите на француската екипа беше македонскиот репрезентативец Ти Џеј Шортс со 23 поени, шест скокови и седум асистенции за 26:33 минути поминати на паркетот.
Вториот меч ќе се игра во Лондон на 29 март, а доколку биде потребно, „мајсторката“ е закажана за 3 април во Париз.
И втората француска екипа во полуфиналната фаза од натпреварувањето поведе со 1:0, Бург пред своите навивачи со 86:74 славеше над турскиот Бешикташ.
Следниот дуел е закажан за 29 март во Истанбул, а евентуалниот трет натпревар ќе биде во Франција на 3 април.