Македонскиот репрезентативец Димитријевиќ позитивен на ковид-19
Денеска Валенсија се соочи со проблем пред новиот натпревар во кошаркарскиот Еврокуп против турскиот Бурсаспор.
Во редовите на шпанската екипа требаше да биде македонскиот плејмејкер Ненад Димитријевиќ, но како што известија од клубот неговото последно тестирање за ковид-19 се покажа како позитивно. По воспоставениот протокол, играчот е изолиран дома, во добра состојба.
На табелата во групата „Б“ Валенсија е на четвртото место со учинок од четири победи и три порази, зад Будуќност, Гран Канарија и Виртус Болоња.
На последниот меч во ова натпреварување одигран во декември Димитријевиќ настапи против Цедевита Олимпија постигнувајќи пет поени за скоро 12 минути игра на паркетот.
Од аспект на статистиката просечно оваа сезона Македонецот има 11,5 поени, 2,0 скокови и 5,4 асистенции по меч.