УНИЦЕФ и партнерите денеска во Њујорк ги објавија петте победници во светот на предизвикот Generation Unlimited.

Победник беше Тимот „АндроМета“, составен од македонски тинејџери, со мобилната апликација Speak Out – која има за цел да создаде заедница за поддршка на жртви од врсничко насилство – е меѓу оние кои ќе добијат стручно менторство од партнерите на Generation Unlimited и по 20.000 долари почетни средства за проширување на својата иницијатива.

Младинскиот предизвик е дел од глобалната иницијатива Generation Unlimited која ја промовираа светските лидери вклучувајќи го генералниот секретар на Обединетите нации Антонио Гутерес, високиот претставник на ЕУ за надворешни работи и безбедносна политика Федерика Могерини и извршниот директор на УНИЦЕФ Хенриета Фор и има за цел сите млади на возраст од 10 до 24 години да добијат образование, обука и работа до 2030. година.

„Земјата треба да се гордее со овие млади и бистри умови“, изјави претставник на УНИЦЕФ на денешното доделување.