Македонските натпреварувачи во џиу џица предводени од селекторот Александар Ацевски имаа успешен настап на меѓународниот турнир во Кочевје, Словенија.

Нашите борци се закитија со вкупно 12 медали, од кои пет златни, два сребрени и пет бронзени.

Злато освоија Катерина Ацевска, Данил Николиски, Антонио Трајковски, Матеј Нифотов и Леа Ѓоргеска, сребро имаат Христијан Јованов и Лина Ѓоргеска, а бронза Марко Панчевски, Марија Треневска, Филип Стојчевски, Јован Шишков и Јован Николиски.

Како што најавија од Македонската Џиу – Џица Федерација, ова беше и тренинг турнир пред Европското првенство што наредната недела ќе започне на Крит, а нашата репрезентација ќе ја сочинуваат четворица спортисти.

На овој турнир „Словенија опен“ организиран од локалниот клуб Сибор учествуваа 340 натпреварувачи од 12 земји.