Македонец на врвот на Европа: Тричковски пред Левандовски, Халанд, Имобиле..!
Уште еден доказ дека нашиот репрезентативец е во одлична голгетерска форма на клупски план во редовите на АЕК Ларнака.
Иван Тричковски како што вели статистиката е стрелец број еден во Европа доколку се гледа учинокот во домашните првенства и коефицентот на ефикасност.
Македонецот лани на Кипар реализираше 20 голови на 18 натпревари и со коефициент од 1,11 е најдобар во Европа.
На оваа листа на втората позиција е голгетерот на Баерн Минхен, Роберт Левандовски со коефициент 1,10, или 34 голови од 31 меч.
Третопласиран е Жан-Пјер Нсаме (Јанг Бојс), 1,00 (32 голови/32 натпревари), следуваат Ерлинг Халанд (Борусија Дортмунд), Чиро Имобиле (Лацио), овој вториот има биланс од 36 погодоци во 37 мечеви. Шестопласиран е Шон Вајсман од редовите на Волфсбергер…
На седмото место е Кристијано Роналдо, играчот на Јувентус (0,94) со 31 гол од 33 мечеви, „десетката“ ја комплетираат Ерик Сорга (Флора), Килијан Мбапе (0,90) со 18 голови од 20 натпревари) и Жуниор Мораес (Шахтјор).