Мајсторе што направи: Италијански репрезентативец истетовира погрешен лик
Џанлука Лападула стана предмет на потсмев на социјалните мрежи откако во желбата да го истакне своето перуанско потекло, на неговата рака е истетовиран погрешен лик.
Кариерата на Џанлука Лападула е исполнета со подеми и падови, блесна во Пескара по што беше купен на Милан.
Во дресот на „росоњерите“ не се прослави и беше продаден во Џенова која пак го испрати во Лече каде повторно ги тресеше мрежите, а кога тимот испадна од Серија А, се пресели во Беневенто. Лападула кој е продукт на академијата на Јувентус, сезонава веќе постигна гол, но за време на репрезентативната пауза направи невиден лапсус со кој стана предмет на потсмев на социјалните мрежи.
Имено, италијанскиот репрезентативец е горд на своето перуанско потекло, мајка му е од Перу и тој се реши да истетовира слика на воин од племето на Инките кои живееле на денешната територија на Перу.
„Моето потекло, половина од моето срце, половина од мојата крв, Перу“ се пофали Лападула со најновата тетоважа, но токму тогаш сфати дека направи невиден кикс.
Имено, на неговата рака не е насликан воин од племето Инки, туку северноамерикански Индијанец од племето Апачи, по што неговиот профил на Инстаграм беше затрупан со шегите на фановите.