Во време кога пожарите ги пустошат шумите во Шпанија, Франција и Португалија, а пеколните горештини предизвикаа суша во Европа и Обединетото Кралство, шпански и португалски научници се обидуваат да го решат проблемот со помош на магла.

Проектот „Лајф Ниеблас“ кој е поддржан од Европската Унија користи колектори за магла на шпанскиот остров Гран Канарија во предели кои се опустошени од пожарите.

На собирачите за магла се прикачуваат листови од пластична мрежа и кога ветерот ја носи маглата низ мрежата, таа кондензира и капките вода се собираат и се складираат во контејнер под мрежата.

– Собирањето капки од магла е применливо во обновувањето на зимзелените шуми на Канарските острови, кои самите собираат магла за да преживеат. Капките вода од маглата се кондензираат на сјајните, лисја на дрвата – вели Виченч Карабаса, главен научник на проектот „Лајф ниеблас“ кој работи за центарот за еколошки истражувања и применето шумарство на универзитетот во Барселона.

За да работат добро, на собирачите им се потребни магла и ветер, услови кои постојат токму на Канарските Острови и во Португалија, а во помала мера и на Медитеранот, каде шумските пожари стануваат се поголем проблем.

– Сè уште се обидуваме да откриеме кои се оптималните услови за работа на собирачите за магла – вели Карабаса.

Технологијата со собирачите за магла ќе се тестира и во крајбрежните области околу Барселона како и и општината Ел Брук во северна Каталонија која беше опустошена од огромен пожар во 2015 година.

Целта на проектот на Канарските острови, целта е да се собираат 215.000 литри вода од магла годишно за да се обноват и пошумат 20.000 ловорови дрва на 35 хектари во шумата Дорама, област во која постои голем ризик од опустошување како резултат на пожарите. Превидено е областа да се пошуми со автохтони видови дрва како лаурисилва, мирта, магнолија и ловор.

Освен колекторите за магла, научниците паралелно тестираат и „кожурец“ , биоразградлив контејнер во облик на крофна направен од рециклиран картон кој се обвиткува околу дупката каде што е засаден расадот и може да собере до 25 литри вода. Обезбедува вода и заштита за расадот во текот на првата година.

Навлаката на контејнерот ја намалува загубата на вода поради испарување, а „кожурецот“ исто така го штити расадот од мали тревопасни животни. Тој е закопан во земја и првично рачно се полни со вода, а подоцна со вода од врнежите, додека на Канарските острови и во Португалија се тоа се прави со собирачите на магла.

Тие се тестираат во три европски земји, Шпанија, Италија и Грција, каде биле засадени на различни почви и во различни климатски услови. Експеритементот кој трае веќе две години покажа дека со контејнерите за вода драстично се зголеми процентот преживеани садници посебно во многи топли услови.

Оваа технологија е развиена од холандската компанија „Ленд Лајф“ и се користат низ целиот свет,но проектот „Грин линк“ е фокусиран на плантажа со органски бадеми во Алмерија, како и на проекти за пошумување во Валенсија, Аликанте, Каталонија, Италија и Грција.

Бидејќи пеколните горештини го зголемуваат ризикот од пожари , научниците се надеваат дека овие техники ќе го забрзаат деценискиот процес на пошумување.

– Ние се справуваме со пошумувањето на поодржлив и поефективен начин и тоа во области што се ранливи на климатските промени и опустушувањето – вели Карабаса.

Оваа година е рекордна по бројот на пожари во југозападна Европа