Регионот на Мадрид во текот на неделата ќе почне со укинување на дел од рестриктивните мерки што беа воведени поради Ковид-19, соопштија градските власти.

Најавата за укинување на дел од мерките е во време кога во другите делови на Шпанија се заоструваат мерките со цел да се спречи ширењето на третиот бран на Ковид-19.

Во Мадрид од петок се предвидува да можат до шест лица да седат на една маса на терасите на рестораните, а можно е и полицискиот час да почнува од полноќ.

– Во Мадрид правиме се што можеме да ги задржиме баровите и рестораните и нашиот културен простор отворен и покрај политичкиот притисок, изјави конзервативната регионална лидерка Исабел Диза Ајусо.

Изминатите 14 дена регистрирани се 993 заразени лица на 100.000 жители, што е повеќе од 887 случаи на национално ниво. Во изминатите две недели пријавени се над 66.000 новозаразени луѓе, што е повисока бројка од кој било друг шпански регион.