ЛШ: „Вртенката“ на Маџовски во ТОП 5 голови на колото! (ВИДЕО) – Слободен печат
РакометСпорт

ЛШ: „Вртенката“ на Маџовски во ТОП 5 голови на колото! (ВИДЕО)

Левото крило на нашиот вицешампион имаше два голови против Татран и еден од нив се најде меѓу најдобрите според изборот на ЕХФТВ.

Еурофарм Работник пред своите фанови загуби од Татран Прешов со 23:24 во петтото коло од групата „Ц“ во Лигата на шампионите, гостите до триумфот стигнаа со гол во последните секунди.

Очигледно битолскиот клуб во својата дебитантска сезона во ЛШ е претплатен за драми во елитното ракометно натпреварување,

Клубот предводен од тренерот Стевче Алушовски имаше нов возбудлив меч полн со пресврти и неизвесност до самиот финиш. За жал, вицешампионот на Македонија на крајот остана со празни раце, а словачката екипа си замина со победа.

За утеха еден од погодоците на Еурофарм Работник се најде во Топ 5 голови на колото во Лигата на шампионите. Во завршните минути од средбата во салата „Боро Чурлевски“, Бојан Маџовски (стрелец на два погодоци) со една многу тешка „вртенка“ успеа да ја испрати топката во мрежата на гостите се најде на третото место.

Топ пет голови на колото во изборот на ЕХФТВ можете да ги погледнете на следниот ЛИНК

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close