Денеска од 18.45 часот Вардар 1961 ќе го игра реванш натпреварот од осминафиналето во Лигата на шампионите против Веспрем на нашиот репрезентативец Дејан Манасков.

„Црвено-црните“ имаат голема негатива од првиот меч во Скопје во кој Унгарците триумфираа со 14 голови разлика (27:41) и со една нога се во следната фаза.

На играчите предводени од тренерот Стевче Алушовски ќе им треба чудо доколку сакаат да се пласираат во четвртфиналето, но тимот на Давид Дејвис покажа уште во првите 60 минути дека и сезонава има сериозни амбиции да се најде на Ф4 турнирот и во нов обид да ја освои европската титула.

За нашиот претставник останува само да го поправи впечатокот и достојно го заврши меѓународниот настап, иако останува да се види што ќе се случи на возвратната пресметка.

Судии на денешниот дуел се Игнасио Гарсија Серадиља и Андреу Марин од Шпанија.

Подвиг на Лазаров и Нант, го совладаа Киелце за пласман во четвртфинале