Лига Европа: Металург во обид да го изненади Чеховски Медведи
Денеска во Скопје ќе се одигра средбата меѓу екипите на Металург и Чеховски Медведи во рамките на групната фаза на Лига Европа. Ова е натпревар од петтото коло и требаше да се одигра на 1.12.2020 година, но истиот беше одложен поради проблеми со коронавирусот.
Овој дуел ќе започне од 18.00 часот во Арената „Борис Трајковски“, а ќе го судат Словенците Бојан Лах и Давид Сок, додека делегат ќе биде Камер Металари од Македонија. На првиот меѓусебен меч ривалот славеше со 40:27.
Тренерот на тимот од Автокоманда, Оливер Димитриоски и покрај што се единствените без победа во групата „А“, со пет порази и едно реми верува дека неговите играчи ќе бидат подобри на наредните мечеви.
– Се надевам дека од натпревар во натпревар ќе играат сè подобро. Тие сè уште се млади и мораат да играат заедно подолго време – вели Димитриоски.
На табелата води Висла Плоцк со 14 бодови, пред Адемар (девет), Чеховски Медведи (шест), Тулуз (четири), Аон Фиверс (четири) и Металург (еден).