Поднесено е барање за подготвителна постапка за дете во судир со законот кој вчера во Скопје усмрти прешак.

Без да има важечка возачка дозвола, детето на возраст од 17 години, на 27 јануари во вечерните часови, управувало автомобил „Фолксваген голф“, сопственост на неговиот татко. Притоа, не се придржувал кон прописите и со тоа го загрозил јавниот сообраќај, доведувајќи го во опасност животот на луѓето, информира Јавното обвинителство Скопје.

Додека ЈО Скопје ќе поднсе Барање за поведување подготвителна постапка спрема дете во судир со законот, во МВР Билтенот лицето кое прегази пешак е пишан како 18-годишник и не се наведува дека се работи за малолетно лице.

Јавниот обвинител до судијата за деца достави и предлог за определување мерка притвор спрема детето во судир со законот, бидејќи оцени дека постои опасност да се даде во бегство, да ја попречува постапката со влијание врз сведоците или да го повтори делото.​