Патничко возило „Голф“ вчеравечер удри во пешак на крстосницата од улиците „Кемал Сејфула“, „Александар Урдаревски“ и „Босна и Херцеговина“ во Скопје, при што пешакот им подлегнал на повредите и починал на местото на несреќата, додека возачот се здобил со телесни повреди.

– На крстосницата од улиците „Кемал Сејфула”, „Александар Урдаревски” и „Босна и Херцеговина”, патничко возило „голф 5″ со скопски регистарски ознаки, управувано од И.Ј.(18) од с.Брест, скопско, удрило во пешакот Ш.Р.(71) од Скопје. На местото на несреќата пешакот им подлегнал на повредите, а лекар од Итна медицинска помош констатирал смрт, додека возачот И.Ј. се здобил со телесни повреди, констатирани во Градската општа болница „8 Септември”, информира Министерството за внатрешни работи.

Увид на местото на несреќата извршиле екипа од СВР Скопје и Јавен обвинител, по чија наредба телото на починатиот е предадено за обдукција.