Либанка се породила во разурната болница по експлозијата во Бејрут (ФОТО+ВИДЕО)
Бремената Емануел била во болницата „Сент Џорџ“ и се подготвувала за породувањето кога експлозијата ја потресе престолнината на Либан.
Нејзиниот сопруг Едмонд сето тоа го снимил со камера.
Како што вели, влегувале во собата, додека докторите и сестрите се подготвувале да ја префрлат неговата сопруга на кревет.
„Траеше околу 20 секунди, слушнавме звук, а предметите почнаа да се тресат и да паѓаат, стакло, инструменти…“, рече Едмонд за Би-би-си.
Експлозијата го уништила родилиштето во болницата.
Едмонд потоа ја барал сопругата низ болницата бидејќи од експлозијата паднал плафонот, а тој се исплашил да не се поврдени Емануел или бебето.
„Целата беше прекриена со стакло, се обидов прво неа да ја извлечам. Го извлеков креветот што беше напред и почнав да им помагам на докторите и на сестрите“, раскажа Едмонд.
Додаде и дека неговата жена била во шок, зашто во болницата немало лекови, туку тоа било „породување на стариот начин“.
Околу час и половина по експлозијата, Емануел го родила својот син.
И мајката и бебето се чувствуваат добро и покрај страшниот момент во кој еден
живот дојде на свет.
По експлозијата на социјалните мрежи се споделуваа и фотографии од медицинската сестра која успеала да спаси три новородени бебиња во Бејрут во болницата која се урнала.
This Nurse managed to save 3 New Born Babies amid explosion in Beirut, Lebanon
In spite of being surrounded by dozens of bodies, the lack of communication, and electricity outage in the hospital ??❤
SALUTE! pic.twitter.com/0Pq3m5w6yF
— StanceGrounded (@_SJPeace_) August 5, 2020