Левандовски е поскап од целата македонска репрезентација
Можеби еден од најважните дуели за „црвено-жолтите“ ако сакаат да бидат во сериозна трка за учество на Европското првенство 2020 година.
До сега против Полјаците сме играле во три пријателски мечеви одржани на неутрален терен. Имаме негативен ско од два порази и реми. Од сегашниот состав само Пандев има настапувано против Полска.
Во турската Анталија загубивме со 4:1, пораз во Сплит (3:0), а игравме нерешено 1:1 во Ројтлинген, Германија.
Ако ја гледаме вредноста на играчите, најголемата ѕвезда на Полска и член на Баерн Минхен, Роберт Левандовски според податоците на „Трансфермаркт“ вреди 65 милиони евра.
Левандовски е поскап од целата македонската репрезентација која пак според истиот извор на информации има вредност од 49,45 милиони евра.
Ако одвојуваме по играч, најскапи моментно во нашата селекција по 10 милиони евра се Енис Барди (Леванте) и Елиф Елмас (Фенербахче), трет на оваа листа е Аријан Адеми (Динамо Загреб, шест милиони евра), по четири вредат Илија Несторовски (Палермо), Стефан Ристовски (Спортинг Лисабон) и Езџан Алиоски (Лидс), итн.