Лејкерси во карантин и денеска ќе бидат тестирани на коронавирус
Откако четворица кошаркари на Бруклин нетс се позитивни на коронавирус, кошаркарите на Лос Анџелес лејкерс во среда ќе одат на тестирање бидејќи последниот натпревар го одиграа токму против овој тим.
Лејкерси и Бруклин играа минатиот вторник, а бидејќи инкубацијата трае 14 дена, самите кошаркари на Лејкерс кои имаа контакти со противниците можеби се заразени, а за тоа да не знаат.
The health and well-being of our players, staff, fans, and society in general, is of paramount importance to us, and will continue to be our focus.https://t.co/4GiDJiZpPi
— Los Angeles Lakers (@Lakers) March 18, 2020
„Бидејќи нашите играчи беа изложени на ризик на натгпреварот против Бруклин, ги следиме сите чекори и процедури кои ги одредија надлежните институции, НБА и докторите од УКЛА Универзитетот. Здравјето на нашите играчи, тренери,навивачи е од најголема важност за нас“, стои во соопштението на ЛА Лејкерс.
Вчера беше објавено дека дури четврорица кошаркари на Бруклин нетс се заразени со коронавирус, а меѓу нив е и Кевин Дурант кој сезонава не игра поради повреда на ахиловата тетива. Претходно позитивни на КОВИД-19 беа и Руди Гобер и Донован Мичел од Јута џез и центарот на Детроит пистонс, Кристијан Вуд.