Застрашувачки момент кога разбеснет бизон бркал туристи во американскиот национален парк Јелоустоун е забележан со телефон, но за среќа нападната жена изиграла паметно и поминала неповредено.

Како што се гледа на снимката, двојката се шетала кога два бизона без причина почнале да ги бркаат. Бегајќи во паника се сопнала и паднала во момент кога повеќе немало шанси да му побегне на побеснетото животно.

За среќа, останатите туристи и довикнале да легне и да не се поместува и таа тоа го направила. На изненадување на присутните, бизонот пришол до жената која лежела неподвижна во тревата, ја подушкал и наеднаш загубил интерес за неа.

'PLAY DEAD!' A woman in Yellowstone National Park was unharmed after a bison charged toward her as frightened onlookers urged her to lay still on the ground. https://t.co/V7ZirNdyHo pic.twitter.com/LLJf0iVdKh

— ABC News (@ABC) July 21, 2020

Тинејџерката која го снимила видеото вели дека разговарала со жената по застрашувачкиот момент.

„Беше страшно, ова е лудо. Жената е од Њујорк, но живее во Монтана така да знаеше како треба да се однесува зошто животното е премногу блиску“, рече таа.

Официјални лица од Јелоустоун нагласуваат дека луѓето би требало да се држат подалеку од сите животни во паркот најмалку 25 метри.

„Бизоните може да бидат многу непредвидливи. Тоа е многу ризично. Може да делуваат потполно смирено и незаинтересирано и само во секунда да го сменат однесувањето“, рече Рејчел Бејл од Нешнел Географик.

Бизоните повредуваат убедливо најмногу луѓе од било кои други животни во паркот, а тие средби може целосно да се спречат.