Лара Гут-Бехрами го користи отсуството на Шифрин во Светскиот куп
Лара Гут-Бехрами славеше во велеслаломот во Солде благодарение на брилијантното второ возење – таа беше деветта по првото, а 32-годишната швајцарска скијачка на крајот победи за 1:01.70 минути.
Ова е 43 победа на Гут-Бехрами на Светскиот куп, надминувајќи ја Ања Персон за шестото место на вечната листа.
Марта Басино и Федерика Брињоне, водечкото дуо по првото возење останаа без подиум. Алис Робинсон од Нов Зеланд беше втора со само една стотинка заостанување, а третопласираната Еј Џеј Харт од САД заостана 15 стотинки.
Микаела Шифрин моментно не настапува поради повреда, а според најавите се очекува наскоро да се врати на патеките. Сега падна на второто место во генералниот пласман, а Лара Гут има пет бодови повеќе (1.214). Брињоне е трета со 928 бодови.
Гут-Бехрами исто така е прва во генералниот пласман за велеслалом со 685 бодови, втора е Брињоне со 550, а трета Сара Хектор со 481.