Лани Владата потрошила околу 26 милиони денари за патувања и ресторани

Од денешниот брифинг со новинарите на министерот Љупчо Николовски се очекува да стане појасно колку од средствата се оправдано потрошени и дали можеле функционерите да потрошат помалку. 

Дневниците за патувања во странство на владините функционери, авионските карти, хотелските сместувања и ресторанските услуги во 2019 година го олесниле државниот Буџет за 25.823.276 денари или за околу 420.000 евра.

Најмногу потрошиле премиерот Зоран Заев, министерот за надворешни работи Никола Димитров и министерот за евроинтеграции Бујар Османи, или тројцата вкупно потрошиле 7.348.216 денари, односно околу 120.000 евра.

Најштедлив во 2019 година бил министерот за транспорт и врски, Горан Сугарески кој за цела година потрошил само 10.376 денари. Меѓу оние кои најмалку трошеле е и актуелниот министер за здравство Венко Филипче, кој во 2019 година потрошил 97.297 денари.

Потпретседателот на Владата за борба против корупција за одржлив развој и човечки ресурси Љупчо Николовски, од кого граѓаните очекуваат да ја намали корупцијата и расипничкото трошење на владините функционери, во 2019 бил меѓу поштедливите и потрошил 354.030 денари.

Прочитајте и...  Јовески: Доставена е кривична пријава за директорката Димова за четири кривични дела

Министерството за надворешни работи потрошило 4.141.565 денари, Секретаријатот за европски прашања потрошил 2.556.114, додека Министерството за одбрана потрошило 1.407.092 денари.

Најмалку средства од Буџетот за 2019 година по основ на патувања и ресторански услуги повторно потрошило Министерството за транспорт и врски, само 72.366 денари.

Сепак, останува нејасно каква е ситуацијата во пониските ешалони, колку трошат директорите на јавните претпријатија и многуте агенции кои функционираат.

Од денешниот брифинг со новинарите на министерот Љупчо Николовски се очекува да стане појасно колку од средствата се оправдано потрошени и дали можеле функционерите да потрошат помалку.

Поврзани вести

Почна собраниската расправа за Законот за заштита од заразни болести

Илија Димовски во клинч со министерот Маричиќ за договорот со Бугарија

Слободен печат

Москва: Нато да го разгледа предлогот на Путин за контрола на оружјето

Илинка Иљоска

Србија: Собранието ја изгласа новата Влада на Ана Брнабиќ

МИА Агенција

Бајден гласаше во родниот град заедно со сопругата

Слободен печат

Видео: Веќе седум дена илјадници Полјаци го искажуваат својот револт против забраната за абортус

Илинка Иљоска

Остави Коментар