Премиерот на Косово, Албин Курти вчера имаше состанок со грчкиот премиер Кирјакос Мицотакис во Атина, каде како што пренесе владата на Косово, тој побарал од Грција признавање на независноста на неговата земја.

Како што пренесуваат приштинскиот Зери, Курти му се заблагодарил на Мицотакис, велејќи дека „Грција во последните месеци дала силна поддршка за влегувањето на Косово во меѓународните организации“.

Курти препорачал дека Атина и Приштина мораат да ги зајакнат меѓусебните односи поради како што вели тој „долгата заедничка историја, чија цел е мир и безбедност на Балканот“.

Мицотакис, како пренесуваат косовските медиуми, ја потврди посветеноста на Грција околу зајакнувањето на односите меѓу Атина и Приштина, кои би донеле „промовирање на идеите на европските перспективи на Западен Балкан“.