Европските фудбалски гиганти, Реал Мадрид, Баерн Минхен и Интер во 2021 година ќе играат неколку пријателски натпревари со цел да се соберат финансиски средства за здравствените институции и медицинските лица кои се на првите линии во битката со пандемијата на коронавирусот.

„Европски куп на солидарноста – фудбал за хероите ќе се игра во 2021 година со цел да испратиме заедничка порака на солидарноста и истакнување на важноста на поврзаноста помеѓу европските земји, како и за собирање на конкретна помош за медицинските работници и болници“, објави Интер.

Точниот датум на одржување на турнирот ќе биде познат кога ќе бидат познати и календарите за натпреварии подготовки на екипите но и кога ќе биде дозволено навивачите да се вратат на стрибините.

– Пандемијата силно ја погоди целата планета. Големата пожртвуваност на медицинските лица беше пресудна да за можеме да гледаме кон иднината. Со оваа иницијатива сакаме да им се заблагодариме и да ја поздравиме нивната работа, а во исти време да испратиме порака за единство и солидарност помеѓу народите – изјави претседателот на Интер, Ситвен Жанг.

Натпреварот помеѓу Интер и Баерн би се играл во Милано, во Мадрид би играле Реал и Интер, додека во Минхен ќе се сретнат Баерн и Реал.