При спроведена акциска контрола едно лице денеска било затекнато во незаконит лов на место викано „Црвени брегови“, атар на Берово, со ловечка пушка за која немало дозвола. Оружјето му е одземен, и против лицето ќе биде поднесена соодветна пријава.

– Денеска во периодот од 06.00 до 14.00 часот од страна на полициски службеници од Надворешна канцеларија за криминалистички работи, Полициска станица Берово и претставник од ловното друштво „Дабевец“ е спроведена акциска контрола за незаконит лов. При контролата, на место викано „Црвени брегови“, атар на Берово, Б.З. (67) е затекнат при вршење незаконит лов на тоа место за кое нема концесија, со ловечка пушка за која немал дозвола, со што сторил кривично дело по чл.396 од Кривичниот законик, се вели во соопштението од МВР.

По насоки на Јавен обвинител, оружјето е одземено, а по целосно документирање на случајот, против Б.З. ќе бидат поднесени соодветни поднесоци и за вршење незаконит лов од чл. 228 од Кривичниот законик.