Модната куќа „Диор“ со нова „тарот“ колекција за сезоната пролет/лето 2021
Сакате да знаете нешто за својата иднина? За последната колекција на висока мода од модната куќа „Диор“, креативниот директор Марија Грација Чури со директорот Матео Гарон се инспирираа од убавината на тарот картите и нивното симболично влијание на куќата.
Ова можеше да се види во видеото за промоција на колекцијата, наречено „Замокот на тарот“. Во мистериозната бајка исполнета со ликови од тарот картите, главната протагонистка, Девојката го отклучува замокот откако ќе ја избере картата Папата, највисока женска свештеничка, како жена која симболизира висока спиритуалност, внатрешна убавина и голема мудрост.
Во замокот таа се среќава со ликови од картите Шутот, Умереноста, Обесениот и Ѓаволот, кои се облечени во модели на средновековна облека. Таа е извезена со златни нитки, цветни апликации, везени палта, надополнета со кадифени црни палта, наметки од златен жоржет, богати ѓердани.
Додека шета низ маѓепсаниот замок девојката доживува лична преродба, а приказната симболично ја опишува историјата на модната куќа „Диор“, која оваа година прославува 70-годишнина.
Инаку, за основачот на модната куќа, Кристијан Диор, се знае дека бил многу суеверен и имал амајлии што ги чувал, а пред секоја модна ревија сакал да му гледаат на тарот карти.