„КРАЖБА“ НА СП: Радост за Франција, Литванија лута кон судиите! (ВИДЕО)
Избраниците на селекторот Грег Попович дојдоа и до четвртата победа по ред на шампионатот и докажаа зошто се едни од главните фаворити за светското злато, а Французите можеби и добија „подарок“ од судиите во важниот триумф над Литванија.
Во првата четвртина се водеше рамноправна борба, Американците имаа предност од 19:17. Потоа, актуелните светски шампиони во вторите 10 минути имаа поцврста одбрана, примија само осум поени и така за првпат значајно се одлепија резултатски.
Lithuanian coach Dainius Adomaitis is not happy.#FIBAWC pic.twitter.com/r8LCtk7IIb
— Liam Santamaria (@Liam_Santa) September 7, 2019
Во понатамошниот период не им дозволија на Грците да се приближат и до крајот само рутински ја одработуваа задачата.
Кемба Вокер кај победничката селекција уфрли 15 поени, колку што имаше и МВП од минатата сезона во НБА лигата, Јанис Адетокумпо во редовите на грчката репрезентација.
Драмата на мечот Франција-Литванија (78:75) буквално траеше до последната секунда. Се играше кош за кош во текот на целата средба, а на крајот „трилерот“ им припадна на француските кошаркари кои обезбедија пласман во четвртфиналето, додека Литванците ги „пакуваат куферите“.
Имаше еден сомнителен момент во самиот финиш, при водство на Французите од 76:75 на пола минута до крајот, Јонас Валанчиунас не реализираше слободно фрлање, и Руди Гобер во борбата за скок го допре обрачот, што според правилата би требало да биде кош за Литванците.
#Lithuania furious about this missed goaltending call on Gobert as they lose to #France 78-75
(this is NOT legal in #FIBA)#FIBAWorldCup2019 pic.twitter.com/aVxxFRDUIW
— Fastbreak Breakfast (@fastbreakbreak) September 7, 2019
Но, судиите не се огласија и Литванците разочарани го завршуваат настапот. Во наредниот напад Нандо Де Коло погоди за два поени и го постави конечниот епилог.
За „триколорите“ прв стрелец беше Фурние со 24 поени, а во поразените редови се истакна Валанчиунас со 18.
По осум бодови имаат Франција и Австралија кои се најдоа помеѓу осумте најдобри репрезентации на СП и ќе решаваат за првото место во групата Л.
