Кралицата Елизабета: Приоритет на британската влада е да ја напушти ЕУ до 31 октомври
Кралицата Елизабета Втора денеска изјави дека приоритет на британската влада е да ја напушти Европската Унија до 31 октомври.
Зборувајќи пред парламентот, кој ја утврдува законодавната агенда на владата, кралицата го поддржала планот на премиерот Борис Џонсон да се „работи на ново партнерство со ЕУ, базирано на слободна трговија и пријателска соработка“, пренесува Ројтерс.
Таа додала и дека британската влада, по излегувањето од ЕУ, ќе обезбеди државата и натаму да има водечка улога во решавањето на светските проблеми, како и дека ќе продолжи да ги брани своите интереси, пренесува „Би-Би-Си“.
– Мојата влада ќе биде во првите редови при решавањето на најкомплексните меѓународни безбедносни прашања – рекла кралицата.
По говорот, кралицата Елизабета Втора се вратила во Бакингемската палата, а меѓу присутните во парламентот, можела да се забележи и поранешната премиерка Тереза Меј, јавува „Би-Би-Си“.