Ковачевски се сретна со Брнабиќ: Важно е двете земји да работат на билатералните односи и успешно да ги надминуваат сите разлики
Премиерот Димитар Ковачевски, во рамки на работната посета на Белград, денеска се сретна со српската колешка Ана Брнабиќ. Како што информира владината-прес служба, на средбата бил направен пресек на актуелните и претстојните активности и проекти меѓу двете земји, со акцент на економски и инфраструктурен план.
Премиерите Ковачевски и Брнабиќ го поздравија одличниот развој на билатералните односи и констатираа дека просперитетот и стабилноста на целиот регион, како и неговата европска интеграција се засновани на добрите билатерални односи, поради што од исклучителна важност е двете земји континуирано да работат на истите и успешно да ги надминуваат сите разлики – се вели во соопштението.
Претходно, Ковачевски и Брнабиќ присуствуваа на потпишувањето на Меморандумот за соработка за брза пруга од Ниш до Скопје, што го потпишаа министерот за транспорт и врски Благој Бочварски и српскиот министер за градежништво, сообраќај и инфраструктура Горан Весиќ.
Македонија и Србија потпишаа Меморандум за соработка за брза пруга од Ниш до Скопје
Ковачевски го поздравил одржувањето на вториот меѓународен саем за вино, храна и туризам „Винска визија на Отворен Балкан” во Белград, а се разговарало и за одржувањето на специјализираната меѓународна изложба ЕКСПО 2027 во Белград, на која ќе биде претставена и Македонија.
Македонија и Србија потпишаа Меморандум за соработка за брза пруга од Ниш до Скопје