Коронавирусот ја опустоши Москва, па се префрли на поодалечените места во Русија (ВИДЕО)

epa08424207 A handout picture made available by Moscow News Agency shows a cemetery worker wearing a protective suit during a burial ceremony of COVID-19 victim at the Butovskoye Cemetery in Moscow, Russia, 15 May 2020. According to official data, as of 15 May 2020, the total number of deaths in Russia from COVID-19 disease which is caused by SARS-CoV-2 coronavirus, exceeded 2,400 people, with over 1,350 in Moscow. EPA-EFE/Zykov Kirill / Moscow News Agency Handout MANDATORY CREDIT / HANDOUT EDITORIAL USE ONLY/NO SALES

Аналитичарите забележале сразмерно понизок број на смртни случаи (2.631) во однос на големиот број заразени.

Русија во текот на оваа недела стана втора земја на светот по бројот на потврдени случаи на зараза со овој вид на коронавирус, според податоците на Универзитетот Џонс Хопкинс.

Најтешко е погодена руската престолнина. Од вкупно 281.752 случаи во Русија, повеќе од половина (142.824) се регистрирани во Москва.

Но, вирусот сега почна да се шири и по другите руски региони, односно по целата огромна копнена површина која покрина 11 временски зони и вклучува и некои од најоддалечените и најсиромашни места на Земјата.

Погреб на жртви од коронавирус на Гробиштата Бутовски во Москва /15 мај 2020, Москва, Русија / Фото: EPA-EFE/Zykov Kirill / Moscow News Agency Handout MANDATORY CREDIT / HANDOUT EDITORIAL USE ONLY/NO SALES

Рускиот претседател Владимир Путин рече во понеделникот во текот на видеоконференцијата со 85 регионални челници дека одлуката за ублажувањето на мерки ќе биде нивна, објави Си Ен Ен.

„Имаме голема земја. Епидемиолошката ситуација варира по региони. Тоа го зедовме во предвид и претходно, но сега треба да се дејствува уште поодредено и повнимателно“, рече тој.

Необичен размер на заразени и починати
Лица гледаат во фотографиите на починати руски лекари од ковид-19 истакнати пред центарот за здравје во Санкт Петерзбург / 11 мај 2020, Русија / Фото: EPA-EFE/ANATOLY MALTSEV
Руската потпретседателка на Владата Татјана Голикова изјави оваа недела дека руската влада не манипулирала со статистиките, но дека податоците за смртноста од ковид-19 во Русија почнаа да привлекуваат внимание. Имено, аналитичарите забележале сразмерно понизок број на смртни случаи (2.631) во однос на големиот број заразени.

Во Москва здравствените работните соопштија дека податоците за ковид-19 се „апсолутно отворени и достапни“. Но градското Одделение за здравство призна дека се бројат само оние смртни случаи за кои по пат на обдукција е утврдено дека се предизвикани од новиот вид коронавирус.

Сепак, Москва на многу начини е многу подобро опремена за соочување со пандемијата за разлика од другите, сиромашни региони на Русија.

 Минатата недела се отвори привремена болница на саемот Крокус во Москва, со капацитет за 1,000 пациенти / 11 мај 2020, Москва, Русија / EPA-EFE/SERGEI CHIRIKOV

Руската новинарка Ирина Шикман на ЈуТјуб објави приказна за својата посета на локалната клиника која се наоѓа во градот Ивантејевка, оддалечен од Москва 10 километри.

На снимките се гледа како на ѕидовите од клиниката се лупи бојата и дека условите на здравствениот систем се разликуваат меѓу главниот град и другите региони.

Исто така, низа сомнителни настани се случија периодов, откако руски доктори се пожалија на условите за работа, односно три лекари мистериозно паднаа од прозори во болниците.

Погледнете ја целата репортажа на новинарката Ирина Шикман за состојбата со коронавирусот во Русија:

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот