„Комити“ побараа реконструкција: Ова не е тој Вардар заради кој што дојдовме!

Скопските „црвено-црни“ ги разочараа своите навивачи со поразот од Воска Спорт/Фото: KOCHO S. PHOTOGRAPHY/facebook.com/KomitiZapad87

Фудбалскиот клуб Вардар сезонава настапува во Втората лига – Запад преку која ќе се обиде да се врати во најдоброто друштво.

Денеска скопските „црвено-црни“ на стадионот „Билјанини извори“ во Охрид во еден од важните натпревари загубија од составот на Воска Спорт (2:1) што е нивни втор пораз по ред.

Навивачката група „Комити“ која секогаш ја дава поддршката за ФК Вардар, овојпат повторно беше разочарана со новиот пораз и преку својата официјална фејсбук страница побараа реконструкција со цел тимот да се врати на правиот пат.

– РЕКОНСТРУКЦИЈА. Ова НЕ Е тој ВАРДАР заради кој што дојдовме и покрај сите забрани! – објавија „Комити Скопје“.

Моментно во Втората лига – Запад играчите на Вардар се на третата позиција со 20 бодови, пет помалку од второпласираната екипа на Вардар, а на врвот е кратовски Силекс (34).

Видео на денот