Комерцијална банка ги извести своите корисници преку СМС порака да се подготват за нова давачка, но и дека има нови провизии за подигање на готовина од трансакциска сметка. Според известувањето, од 20.12.2022 година исплататата на готовина од шалтерите ќе биде 0,1 процент од поединечен налог, но минимум 30 денари, а максимум 500 денари. На официјалната страница на Банката е дообјаснето и се потенцира дека ова ќе важи и за пензионерите и за корисниците на социјална помош и за корисниците на надоместок по основ на технолошки вишок. Но, ако се погледа актуелниот ценовник на Банката може да се види дека и сега овие категирии плаќаат провизии.

Сега за подигање на готовина од шалтерите на банката за налог до 60.000 денари, провизијата е 30 денари, а за налог над 60.001 денари, провизијата е 60 денари. Со оглед на висината на социјалните надоместоци, тие и од 20-ти декември, како и досега, на шалтер ќе се исплаќат со надоместок од 30 денари. Според , тарифникот што ќе се применува од 20 – ти декември, поголема провизија од 30 денари, ќе имаат плаќањата од 30.000 денари.
„Почнувајќи од 20.12.2022 Банката ќе изврши измена на надоместокот за исплата на готовина од денарска трансакциска сметка “, извести Комерцијална банка.
Оттаму информираа и дека од 20.12.2022 година ќе се водведе надоместок за исплата на готовина од шалтерите на Банката од девизните трансакциски сметки и од неорочените денарски и девизни депозити. Прозвизите се исти како и кај подигање на пари од трансакциска сметка – 0,1 процент од поединечен налог, но минимум 30 денари, а максимум 500 денари. За орочените депозити ваков надоместок не се воведува. Сега пак, сите исплати во готово од шалтерите на Банката за клиенти кои подигнуваат готовина од штедна книшка на Банката се без надомест.