Претходни истражувања покажале дека повеќето луѓе предолго спијат на иста постелнина, а тоа сега, во време на пандемија на коронавирус, би можело да биде уште поопасно. Стручњаците предупредуваат дека постелнината треба да се пере најмалку еднаш неделно, пишува The Sun.

Освен микроскопските штетници, грини, кои се размножуваат на валкана постелина и можат да предизвикаат здравствени проблеми, креветот може да биде плодно тло за вируси и бактерии. Ако сте болни, од клучна важност е да ја менувате постелината почесто од еднаш неделно и да ја перете на висока температура.

Загрижува податокот дека испитаниците во новата студија спијат на иста постелнина во просек 12 дена. Пижамите и јастучниците би требало да се исперат исто така еднаш неделно – јастучниците дури и почесто ако имате навика да спиете на стомак.

Многумина забораваат дека е потребно да се перат и перниците и прекривките барем еднаш во три месеци. Душекот треба длабински да се исчисти еднаш годишно.

Дури 64% од луѓето потенцијално внесуваат нечистотија во креветот ако не се истушираат пред да си легнат, додека 12% од испитаните признале дека не се тушираат секој ден. Мажите во тој случај се поголеми престапници од жените.