Зеленски би можел да ги посети САД во следните неколку дена за да склучи договор со Трамп, вели шефот за национална безбедност на Киев, пренесува Би-би-си.

„Нашите делегации постигнаа заедничко разбирање за основните услови на договорот дискутиран во Женева“, пишува Рустем Умеров во објава на социјалните мрежи.

„Со нетрпение очекуваме да организираме посета на претседателот на Украина на САД во најраниот соодветен датум во ноември.“

САД денес треба да се сретнат со руски претставници во Абу Даби  за да разговараат за мировните преговори во Украина.

Украина и Соединетите Американски Држави, по преговорите на нивните делегации во Женева, се согласија да продолжат да работат на заеднички предлози за мировен договор.

Двете страни потврдија дека секој иден договор мора целосно да го почитува суверенитетот на Украина и да обезбеди одржлив и праведен мир. По разговорите, беше изготвен ажуриран и ревидиран рамковен документ за мировниот процес.

САД одржуваат тајни разговори со Русија и Украина во Абу Даби