Ќе се проширува граничниот премин кај Делчево од бугарска страна – Слободен печат
ВестиМакедонија

Ќе се проширува граничниот премин кај Делчево од бугарска страна

Проширувањето на граничниот премин Станке Лисичково може да се очекува наредната година.

Бугарскиот граничен премин Станке Лисичково ќе се проширува со цел полесно поврзување, најпрвин со службите од граничниот премин Делчево, а потоа и подобра патна поврзаност меѓу Бугарија и Македонија.

Според најавите на бугарскиот министер за внатрешни работи Младен Маринов, проширувањето на граничниот премин Станке Лисичково може да се очекува наредната година.

-Во моментов е тендерска постапка за проширување на граничниот премин. Очекуваме на почетокот на следната година да имаме нов пункт со три ленти за поминување на границата. Тоа за трипати ќе ги зголеми капацитетите во споредба со сегашната една лента со која располагаме. Тоа е чекорот кој го правиме и транспортно да ја поткрепиме Република Северна Македонија за нејзино членство во ЕУ – рече Маринов.

Проширувањето на граничниот премин Станке Лисичково ќе биде од огромно значење за жителите на двете страни од границата, бидејќи ќе има побрз проток на сообраќајот и ќе се избегнат застоите што ги има сега.

-Во одредени моменти на овој граничен премин се создава сообраќаен метеж што навистина претставува проблем за патниците кои понекогаш на бугарска страна чекаат и по два часа за влез во соседната земја. Ако ова се оствари, тоа би било одлично – велат патници кои денешниот неработен ден го искористија за кратка прошетка до соседна Бугарија.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close