Казната на Сити може да го врати Пеп Гвардиола во Барселона
Поранешниот фудбалер на каталонците, Ривалдо, смета дека неуспесите во Лигата на шампионите и неатрактивниот фудбал, може да го вратат Пеп на „Камп Ноу“.
Манчестер сити минатиот петок доби казна од УЕФА, две години нема право да игра во европските купови, а доколку судот во Лозана ја потврди казната, тогаш лесно може да се случи сензационален кам-бек на „Камп Ноу“.
Поранешната ѕвезда на Барселона, Ривалдо, смета дека во најцрното сценарио за Манчестер сити, поточно потврда на казната, тогаш Пеп Гвардиола може да направи сензационален кам-бек на клупата на Барселона.
– Манчестер сити е казнет со двегодишна забрана за настап во европските купови поради финансиски малверзации и непочитување на финансискиот фер плеј. Доколку му биде потврдена казната на Сити, тогаш се отвора можноста за Пеп Гвардиола да се врати во Барселона наредната сезона.
Мислам дека сето тоа ќе зависи од настапите на екипата оваа сезона. Доколку Барселона триумфира во ЛШ под водство на Кике Сетиен и притоа ја одбрани титулата во Ла Лига, тогаш нема да има промена на клупата. Но, доколку тимот не ги исполни очекувањата на навивачите, тогаш се отвора можност за Гвардиола да се врати во клубот каде ги имаше најголемите успеси како тренер – смета Ривалдо.