Во судир меѓу камион и воз во јужна Унгарија кој се случи рано утринава загинаа неколку лица, а над 10 се повредени, соопшти тамошната полиција.

Тамошните власти првично соопштија дека пет лица починале на лице место, а некои унгарски медиуми јавуваат и дека бројот на жртви се искачил на седум, додека во возот имало 22 патници и дека од осум повредени двајца се во критична состојба.

Унгарскиот портал Индекс пишува дека несреќата се случила утрово пред 7:00 часот во областа Миндсент на железничкиот премин „Дели“ и дека камионот поминал преку пругата, и покрај знакот за забрана, каде се судрил со возот кој во тој момент поминувал.

Several killed after truck crashes into train leaving carriages in ditch

More Details Here: https://t.co/Fa0iYzBe1L

Several people have died after a pick-up truck crashed into a train in southern Hungary and derailed carriages, police said.
There … #Rescue #Star #Story pic.twitter.com/ecWWVhVmKW

— Trucker World (@truckerworld) April 5, 2022

Според медиумите сд јачината на ударот возот излетал од шините. Полицијата се уште ја држи затворена областа во целата ширина на патот, а сообраќајот е пренесочен на околните улици, пишува унгарски Индекс.

„Спасувачките акции сè уште се во тек, така што се уште не можеме да го утврдиме бројот на жртви. Во несреќата неколкумина се повредени, а неколку починале на местото на настанот“, се вели во соопштението на полицијата, без да се наведат дополнителни детали.

Како што се вели пак во соопштението на полицијата, камионот влетал во шините и возачот ги игнорирал црвените светла за да застане.