Каков удар за Баерн, Левандовски мора на долга пауза! (ФОТО)
Во клучен дел од сезоната, најдобриот стрелец во Лигата на шампионите скоро еден месец ќе биде надвор од фудбалските терени…
Фудбалерите на Баерн со една нога се наоѓаат во четвртфиналето во Лигата на шампионите, откако славеа со 0:3 во првиот натпревар во вторникот на „Стемфорд бриџ“ кај екипата на Челзи.
Но, пред продолжението од сезоната баварскиот клуб се соочи со голем проблем, бидејќи се повреди неговиот најдобар стрелец, Роберт Левандовски.
Како што и официјално потврдуваат од „Алијанц“ арената, полскиот интернационалец ќе биде околу четири недели надвор од терените.
OFFICIAL: Robert Lewandowski will be OUT for four weeks after picking up a injury vs Chelsea in the Champions League last night!
If you own him, tonight’s your chance to get rid! pic.twitter.com/nrQpsoIvEe
— Fantasy Hub (@FantasyFootyHub) February 26, 2020
После враќањето од Лондон беа направени додатни прегледи кои потврдија фрактура на тибијата на левото колено, па така Баерн ќе мора скоро еден месец да игра без Полјакот.
Се очекува Левандовски да носи гипс во наредните 10 дена, а потоа ќе следува уште околу три недели рехабилитација до враќањето на теренот.
Тоа значи дека ќе го пропушти реваншот против Челзи, потоа четвртфиналето од Купот на Германија против Шалке, како и бундеслигашките пресметки со Хофенхајм, Аугсбург и Унион Берлин.
Во најсилното германско фудбалско првенство Баерн води со 49 бодови, само еден повеќе од второпласираниот Лајпциг, а на третата позиција е Борусија Дортмунд со 45.