Каков спектакл ќе биде ова, договорен бокс меч помеѓу двајцата најсилни луѓе на светот
Двајцата најсилни луѓе на планетата, Еди Хол и Хафтор „планината“ Бјорнсон, се договорија во септември идната година да ги вкрстат ракавиците во рингот.
Станува збор за победниците на натпреварувањето „World’s Strongest Man“ за 2017 и 2018 година. Хол победи во 2017 година, а наредната титулата на најсилен човек на светот му припадна на Бјорнсон.
Причината за „најсилниот боксерски дуел“ е постигнувањето на Бјорнсон од пред неколку дена кога го собори светскиот рекорд во мртво дигање на тегови. „Планината“ подогна неверојатни 501 килограм и за само еден килограм го собори рекордот кој дотогаш го држеше Хол.
501 KG goes up. Hafthor Julius Bjornsson is your new world record holder in the deadlift. pic.twitter.com/APlYjJqQAf
— Seth Petarra (@SethPetar) May 2, 2020
– Следната година ќе ја посветам само на оваа борба. Доаѓам по тебе – му порача Бјорнсон на Хол кој има застрашувачки прекар „ѕвер“.
Хол го прифати предизвикот од „планината“ и најави дека пред да дојде до нивната пресметка во рингот, прво ќе сиу го врати светскиот рекорд во своја сопственост.