Како во филм: Дилер на дрога осуден на смрт, ископал тунел од ќелијата и побегнал
Кинески дилер на дрога, осуден на смртна казна, извел филмско бегство од затвор копајќи тунел од неговата ќелија до цевките на канализација.
Каи Чангпан бил во затвор на периферијата на главниот град Џакарта, бидејќи бил фатен како шверцува метамфетамин.
Меѓутоа, тој успеал да побегне така што ископал дупка во својата ќелија сè до цевките на канализација што воделе до блискиот пат надвор од затворот.
Како што навел неговиот цимер, тој го планирал бегството пет-шест месеци. Тунелот го ископал користејќи алат од мајсторите што ја обновувале затворската кујна.
Бегството го темпирал со промената на стражарската смена, вели портпаролката на индонезискиот Директорат за затвори.
Каи е осуден на смрт во 2017 година за шверц на 135 килограми кристал-метал.