Тим истражители тврди дека открил таен агент на руската воена разузнавачка агенција ГРУ, кој поминал една деценија движејќи се меѓу вработени во НАТО во Неапол, преправајќи се дека е дизајнер на накит од Латинска Америка.

Агентот на ГРУ се претставувала како Марија Адела Куфелт Ривера и тврдела дека нејзиниот татко е Германец, а нејзината мајка Перуанка.

Нејзините тврдења немаа никаква врска со нејзиното вистинско потекло.

„Марија“ беше агент на ГРУ од Русија. Нејзиниот вистински идентитет беше откриен од мрежата Белингкет во партнерство со неколку медиуми, меѓу кои „Република“ во Италија и „Шпигел“ во Германија.

🕵️‍♀️ María Adela Kuhfeldt Rivera llegó a ser una reconocida socialité en las altas esferas de Nápoles, donde estableció relaciones con altos mandos militares; sin embargo, era una espía del Gobierno ruso.https://t.co/dNbaribuIl

— RPP Noticias (@RPPNoticias) August 27, 2022

Живеела во многу држави, се дружела со вработени во НАТО

За време на нејзината кариера, таа живеела во Рим, Париз и Малта пред во 2013 година да се досели во Неапол, италијанскиот град каде што се наоѓа командата на НАТО.

Во Неапол, таа отворила продавница за накит под името „Сереин“ и водела активен социјален живот. Нејзините познаници велат дека благодарение на нејзината улога како секретарка во Неаполскиот огранок на меѓународниот Лајонс клуб, успеала да се спријатели со многу вработени во НАТО, а со еден од нив била во кратка врска.

Податоците се собирале со години

Извршниот директор на Белингкет и главен истражител, прво ја следел Ривера додека ја прегледуваше протечената база на податоци за граничните премини објавена од хакерска група која се бори против режимот на Александар Лукашенко.

JUST IN: Bellingcat exposed Maria Adela Kuhfeldt Rivera as a GRU operative. She spent ten years as a charming socialite and successful entrepreneur promoting UK-Middle East links. pic.twitter.com/wuhJT8Jt4r

— BNN Russia (@BNNRussia) August 27, 2022

Грозев пребарувал низ броевите на руски пасоши за кои се знае дека ги користеле оперативците на ГРУ, кога името Марија Адела Куфелт Ривера му привлекло внимание. Тој продолжил детално да истражува ио открил дека таа патувала под неколку различни руски пасоши со сериски броеви слични на оние што ги користеле другите оперативци на ГРУ.

Таков пасош користел и агентот обвинет за нападот со нервниот отров Новичок врз бугарскиот трговец со оружје Емилијан Гебрев и уште еден оперативец на ГРУ вклучен во нападот врз Сергеј Скрипал и неговата ќерка во Солсбери во 2018 година.

The agent – under the exotic but false name of Maria Adela Kuhfeldt Rivera – had been a fixture on the social circuit of the base in Naples, which is home to the US Navy’s Sixth Fleet. https://t.co/gyTBj3nCEm

— Qudach Australia (@QudachAU) August 27, 2022

Грозев утврдил и дека на 15 септември 2018 година Ривера купила билет од Неапол за Москва. Ден претходно, истражиувачите од Белингкет и рускиот партнер во истрагата „Инсајдер“ објавија напис за двајцата ликвидатори со отровот Новичок од Солсбери, под имињата на Руслан Боширов и Александар Петров, Во написот се посочуваат неправилности во податоците за пасошот кои укажуваат дека двајцата „трујачи“ се поврзани со безбедносните служби.

Инспекторите веруваат дека токму тогаш Ривера била повлечена од нејзините шефови, кои се плашеле дека други оперативци со слични броеви на пасоши би можеле да бидат компромитирани.

Два месеци по нејзиното ненадејно заминување од Неапол, Ривера се обидела да го објасни своето ненадејно исчезнување преку порака на Фејсбук на италијански јазик.

„Вистината што конечно морам да ја откријам… Косата расте по хемотерапијата, кратка е, но ја има. Ми недостигате сите, но се обидувам да дишам“, напишала Ривера обидувајќи преку преставување на својата лажна здравствена состојба да го оправда своето исчезнување пред своите пријатели.

Не е вообичаена пракса шпионот да „биде со ист идентитет “ со години.

Она што им паднало во очи на инспекторите е дека Ривера со години го имала истиот идентитет, имајќи предвид дека практика е агентите на ГРУ да патуваат во странство во брзи краткорочни мисии и редовно да го менуваат идентитетот, додека во ретки случаи како овој, некои агенти -шпиони делуваат под ист лажен идентитет.

Исто така, необично е што Ривера патувала со руски пасош, но причината за тоа би можело да биде што таа имала вредни контакти под тој идентитет, кои ртуската воена разузнавачка агенција ГРУ не сакала да ги загуби.